“मानव कल्याण आध्यात्मिक प्रतिष्ठानले चाँगुनारायण—८ कलममसीस्थित १०८ फिटको कल्पेश्वर महादेव मूर्ति स्थापना गर्ने कार्यक्रमको झलक प्रस्तुत गर्न अर्धवार्षिक स्मारिका प्रकाशन गर्न लागेका खबरले मलाई अत्यन्त खुशी लागेको छ। यस कार्यमा संलग्न सबैलाई धन्यवाद दिदै प्रकाशन सफलताको शुभकामना व्यक्त गर्दछु।”

हाम्रो देश नेपाल सांस्कृतिक सम्पदा र धरोहरुले सम्पन्न देश हो। यहाँका मानिसहरुमा संस्कृतिबाट अनुप्राण्ति जीवनशैली छ। मनव जीवनको आन्तरिक सुखका लागि यस्ता सांस्कृतिक सम्पदाहरुको महत्वपूर्ण भूमिका हुन्छ। नेपालको अन्तराष्ट्रिय प्रतिष्ठा, प्रख्याति र पर्यटन विकासमा पनि यस्ता कामको विशेष महत्व छ। देशका विभिन्न स्थानमा यस्ता परिकल्पनाहरुलाई साकार रुप दिन नेकपा(एमाले)को सरकारले सार्थक प्र्रयास गरेको थियो। मनव कल्याण आध्यात्मिक प्रतिष्ठानलाई यस रचनात्मक कार्यका लागि धन्यवाद भन्न चाहन्छु। प्रकाशोनमुख यस स्मारिकाले कल्पेश्वर मूर्ति स्थापनाका सन्दर्भमा भएका सम्पूर्ण कार्यक्रमहरुको चित्रात्मक वर्णन गर्न सकोस् भन्ने शभेच्छा व्यक्त गर्दछु।
नेकपा –एमाले) देशभक्तिपूर्ण,लोकतान्त्रिक,परिवर्तनकारी,विकसमुखी र सर्मद्ध नेपाल,सुखी नेपालीको राष्ट्रिय आकाङक्षा पूरा गर्ने अभियानमा छ। लोकतन्त्रलाई राजनीतिक अधिकारको सङकुचित परिभाषाबाट माथि उठाउँदै जनतका सम्पूर्ण आवश्यकता र अधिकार परिपूर्तिको जीवनमूल्य समेटिएको परिपूर्ण लोकतन्त्रका रुपमा व्यवहारमा अनूदित गर्ने हाम्रो उद्देश्य छ। व्यक्ति र समूहरुका निजी दुराकाङक्षाहरुले सिर्जना गर्न सक्ने अवरोधहरुलाई पन्छाउँदै मुलुक निर्माणको प्राथमिकतामा केन्द्रित हुन तपाईहरुको यस प्रयासले सहयोग पुग्ने छ भन्ने मेरो विश्वास छ।
अन्त्यमा प्रकाशोन्मूख स्मारिका पठनीय,संग्रहणीय र मानव जीवनको रुपान्तरणका लागि उपयोगी रहन सकोस् भन्दै प्रकाशन सफलताको पुन शुभकामना व्यक्त गर्दछु।
१८ फागुन २०७९८

केपी शर्मा ओली
अध्यक्ष